• 輝Sir

【評級機制大公開🔥🔥🔥究竟你學成點?幾時先可以自己租車練?】

Updated: 2019年11月26日


輝Sir團隊都有一路靜靜雞Mark低大家嘅學習進度,真正咁按你需要教,到你手車安全,先會容許你自己一個租車練習。


每個學生都會有一組英文字母同數字,字母代表「路面」評級,數字代表「8字」評級:


🏍路面評級

A- 初學者,未能控制車輛

B-路面初級,依然必須導師在旁,練多啲好快去到C級!

C-路面中級,雖然未必識哂全部嘢,操控有代改進,但掌握到基本技巧,多練習就可以熟能生巧。繼續努力!

D-恭喜你!升到路面高級,你嘅技術已經幾唔錯,已達考試標準7-8成以上!


🏍8字評級

0-未學打圈

1-打到圓圈,成功第一步

2-打到8字,掌握到基本技巧,要多練習

3-已經可以自己打8字,頗為純熟,繼續盡善盡美!


輝sir要記住你嘅評級,因為要按住學生嘅程度,因材施教。上左十堂,去到C2級嘅學生 ,導師會指導佢應付更多路面突發情況,再加多啲練習,令技術更純熟,應變更快狠準。相反,A1嘅同學就要教多啲考試基本要求,車輛操控等等。


另外,為咗保障學生安全,只有C2嘅學生先可以自己租車練習呢!況且,評級太低,連最基本操控都未掌握到,自己練都唔知練乜,只係哂錢哂時間。


輝SIR我教過學生,開頭好緊張好驚,連轉個彎都驚,憑住堅持同導師嘅教導 ,一直升級,打到又靚又穩定嘅8字,最後仲考到牌!同學認真學習,努力換來更純熟嘅技術同更高嘅評級,可以更有自信揸車,真係好滿足!😍



664 views