• Read-Cycling書送快樂

機迷與書迷 相聚蒲書館

Updated: 8月 23

感謝香港復古遊戲展覽 | 香港遊戲協會創辦人Dixon噚日喺「蒲書館」同大家分享咗對遊戲保育嘅睇法,令人重新了解成件事唔止係收藏,仲涉及文獻整理及系統化存檔。 . 香港天氣同環境係收藏家嘅惡夢,潮濕天氣同空間資源不足已令工作有一定難度,但Dixon堅持繼續瞓身,係希望可以將遊戲所蘊含嘅普及文化傳承落去。 . 講座亦介紹咗日本、德國及美國幾間電玩保育館,日本嗰間仲係電玩狂迷嘅私人住宅一部份添。另外亦有一啲電子遊戲專書推介,畀大家尋本溯源,深入認識整個產業嘅文化與歷史。 . Dixon所帶嚟嘅幾部經典遊戲機非常之受歡迎,大人小朋友都玩到停唔到手。可以見到經典之所以係經典,係因為佢歷久常新,不論咩年代拎返出嚟都唔過時。 . 再一次多謝Dixon既來臨,帶俾我地一個短暫穿越時空嘅下午。希望將來可以再有機會同 #香港復古遊戲展覽|#香港遊戲協會合作

合辦:書送快樂. 香港復古遊戲展覽 RETRO.HK Gaming Expo| 香港遊戲協會 ================== Website: read-cycling.org Instagram: instagram.com/readcycling